مفردات العيال هالايام

كلام الشباب من الالف للياء

---------------------


هالعبارات من الالف الى الياء........



أ / انتي ياهيش ..وين شماغي ... ( والمشكله الشماغ جنبه الله لا يعمينا )

ب/ بروح اكشت مع اخوياي ..... ( تقل ماشافهم من سنة جدي)

ت / تراي بأصيف اليوم .....( ماجبت جديد متعوده الحرمه )

ث/ ثواني وانا عند الباب ..اجهزي ( ولا يجي الا بعد ساعه وهي ملطوعه عند الباب )

ج/ جاي تعبان من العمل منيب فاضي لك .. ( تقل مايشتغل الا هو )

ح / حريم مايجون الا بالعين الحمراء ... ( جملتهم المفضله )

خ/ خوذي عيالك وفارقوا عني .. أزعجتوني ( كأنهم عيالها لحالها )

د / دوري احد يوديك ويجيبك ..( وانت وش شغلك )

ذ/ ذاك الصيف مسافرين هالسنه مهنا سفر ....( اللي يشوفه يقول شايل الحرمه على ظهره ويدور به بكل مكان )

ر/ راتبك ماطلع يابعدي .. ( توه يجي الكلام السنع يوم جت الدراهم )

ز/ زيدي العشاء ترى الرجاجيل كثروا ..( والعشاء استوى وخلص وشلون تزيده )

س/ سيارتي مابها بنزين ومامعي صرف ..معك سلف ( رددي ياليل مطولك مهيب راجعتن لك )

ش/ شيلي المقاضي شوفيها عند الباب ( ورى ماتشيلها انت يامال الكسر )

ص/ صديقي بيسافر برى تراي أبخاويه ( خايف عليه يضيع والا وشلون )

ض/ ضايق صدري ..ضايق صدري ..كل مادخل للبيت ( وهو عند ربعه فاقن خشته )

ط/ طالق ...طالق ...طالق >>>>>> هذي ان صار رايق

ظ/ ظفي وجهك ...... مالي خلق ..... ( الله اكبر يا توم كروز )

ع/ عصاقيل تصافق واشهب الهب ويبي وحده حلوه ( اقووول اها بس )

غ/ غالي هذا ..دوري غيرها ..( متحسفن عليه بالغالي يامال الفقر )

ف/ فلااااااااان تزوج على حرمتن ثانيه ..( يلمح الرجال )

ق/ قومي بلا دلع ..مابك الا العافيه ( وهي مصيخينه خذت حيلي )

ك/ كل كلامه هواش ماااااااااعنده تفاهم

ل/ لا تروحوون بعيد ..وماغير داااااقن اللطمه اذا طلع مع اهله

م/ معزوم في الاستراحه >>>> امحق عزومه اللي كلها لعب بلوت

ن/ ناااااااااااااادرا ماايشكرها على شي سوته..

هـ / هيه ..انتي >>>>> طبعا هذا الاسم الرسمي

و/ ورى ماتسمنين ..وان سمنت قال ..ورى ماتنحفين ( خير هي لعبه ان رعصت زرار سمنت والا نحفت )

ي/ ياااااااااازين هالمذيعه ( ياخي استح على وجهك ,, اللي جنبك قوطي ماتعـًبره )

الله يعينا علي شباب هالزمن

طبعــــــــــــــــــــــا مب كلهم بس الاغــــــــــــــــــــــــلبيه